NOIZTIK EGITEN DA?

Lehenbiziko Baztango Martxa 1994. urtean antolatu zen. Aurtengoa beraz, XIV. aldiz egiten den itzulia da. Urtero prestatu diren martxek ibilbide ezberdinak izan dituzte eta Baztango eta inguruko bazterrak ezagutzeko aukera eman dute.

ZERTAN DATZA?

Baztangoa, bertze tokietan egiten direnen gisa Mendi Ibilaldi erregulatua da. Ibilbide bat prestatu eta seinalizatzen da eta bertan zenbait kontrol postu jartzen dira. Horietako batzuetan janaria eta edaria banatzen da eta denetan partehartzaile bakoitzak daraman txartelan denboraren kontrola egiten da. Ibilbide guztian zehar osasun zerbitzuak eta martxa uzteko aukera eskaintzen da.

ANTOLAKUNTZA

Antolakuntza Baztango Mendigoizaleak taldearen esku dago. Orai arte aipatutako guztia prestatzeko 50 bat lagunen partehartzea behar izaten da.

ZE HELBURU DITU?

Dudarik gabe lehenbiziko helburua mendizaletasuna bultzatzea da. Bertzalde, Baztango paisai eta bazter ederrak ezagutzea eta bidenabar, denen artean egun goxo-goxo bat pasatzea. Inoiz ere lehia sortzea.